Saraswathi Devotional Song Lyrics
సరస్వతి భక్తి గీతాలు
రచన -శ్రీ రాయప్రోలు సుబ్బారావు
సంగీతము-శ్రీ పాలగుమ్మి విశ్వనాథం
తల్లిరో సరస్వతి నిను
ఉల్లములలో నిలిపి కొలుతుము
శబ్దములు ముత్యాల వలె నీ
పాలవెల్లువ లోన తేలెను
గీతమాయెను మీది మీగడ
చేతనము చిగురించగా
||తల్లిరో||
అక్షరములై పుస్తకములో
గానమై కలకంఠి ముఖమున
తానమాలై వీణ తంత్రుల
వెలసె నీ తొలి నుడువులే
||తల్లిరో||
పాలనీళ్ళను వేరుపరచే
హంసపై స్వర హారమల్లుచు
వేదవీధుల మీద తిరిగే
భగవతీ శ్రీ భారతీ
||తల్లిరో||
నీదు కిన్నెర వంటి కంఠము
నీదు సుశ్రుతి నొప్పు స్వరమును
హంస నేర్పును చిలుక పలుకులు
మాకొసంగుము శారదా
||తల్లిరో||
~~~ * ~~~
